ചന്തം

*✿═══════════════✿*    

          *തിരുﷺ പിറവികൊണ്ട് അനുഗ്രഹീത*

*✿═══════════════✿*

      https://www.instagram.com/invites/contact/?i=o7hsgxz71i40&utm_content=8ex74zs *Mihraskoduvally123.blogspot.com*

*അഴകിനെന്തൊരാമോദം അഴക് തീർത്തൊരു അനുരാഗം...*

*അജബിലായ് മൊഞ്ച് തീർത്തൊരു തിങ്കൾ നബി തൻ നാമം...ﷺ*

വാക്കുകൾക്കും വരികൾക്കും ഒതുങ്ങുന്ന ഒന്നല്ലല്ലോ തിരു നൂറിന് ﷺപ്രകീർത്തനങ്ങൾ...

അവ അലക്കടലായ് മദ്ഹിന് അലകളായി വാനിൽ എന്നും കാലബേധമന്യേ ഉയർന്നു നിൽക്കുന്നു...

തിരു ﷺവസന്തം മാനവ ഹൃദയങ്ങൾ കീഴടക്കിയിരിക്കുന്നു... അതിന് തുല്യമായി സന്തോഷം പകരുന്ന ഒന്നും തന്നെ ഇരുലോകത്തും ഇല്ല താനും...

*دَلِيلٌ فَرَبُّ الْعَالَمِينَ دَلِيلُهُ* 

*لِمَقْعَدِ صِدْقٍ لَيْسَ يَعْلُوهُ مَقْعَدُ*

*സ്വർഗത്തിലേക്കുള്ള നമ്മുടെ മാർഗദർശിയാണ് പുണ്യ റസൂൽﷺ. ആരും അതിജയിക്കാത്ത സ്വർഗത്തിലെ അത്യുന്നത സ്ഥാനത്തേക്ക് തിരുറസൂലിന്റെﷺ മാർഗദർശി ലോകരക്ഷിതാവായ അല്ലാഹുവാണ്*

പറയുന്നവർ എന്തും പറഞ്ഞു കൊള്ളട്ടെ... നമുക്ക് ഇത് തന്നെയാണ് വിജയം ഇത് തന്നെയാണ് ലോകം...

തിരു ﷺപിറവി കൊണ്ട് അനുഗ്രഹീതമായതാണ് എല്ലാം...

ഈ നീലാകാശം എത്ര മനോഹരമാണ് അതിന്റെ മനോഹാരിതയും ഒരിക്കൽ നബിയോരെ ﷺകണ്ടത് കൊണ്ട് തന്നെയാണ്... ഈ ഭൂമി ഇത്രയും മനോഹരമായതും അത് കൊണ്ട് തന്നെയാണ്... ലോക നേതാവിനെ ﷺസ്നേഹിക്കാത്തവരാരാണ് ഉള്ളത്... വാനവും ഭൂമിയും അതിലടങ്ങിയ സകലതും ആ തിരു ﷺസ്നേഹത്തിൽ അലിഞ്ഞു ആനന്ദം കണ്ടെത്തുക തന്നെ ചെയ്യും... മനുഷ്യർ മാത്രമാണ് സത്യത്തെ മൂടി വെക്കുന്നത് സ്വശരീരേഛയെ പോലും മറന്നു കാട്ടികൂട്ടലുകൾക്ക് വിധേയമാവുന്നത്...

ആ പ്രണയം അത്രമേൽ മനോഹരമാണ്... അനുരാഗിയായി തീർന്നവർ ദുനിയാവിനെ തന്നെ മറന്നു പോയി കാണും... ആ കൂടി കാഴ്ചകൾക്ക് വേണ്ടി രാവും പകലും മറന്നു കാണും...ﷺ

സ്നേഹോന്മാദം അനുരാഗിയുടെ കേൾവിയും കാഴ്ചയും എന്തിന് ഓരോ നിശ്വാസവും സുന്ദര ദൃശ്യാവിഷ്കാരത്തിന്റെ മാസ്മരികതയിൽ ആണ്ടു പോയിട്ടുണ്ട്... സ്നേഹം അത്രമേൽ സത്യമാണ്...

ഓരോ സ്വലാത്തിന്റെ മന്ത്രകണങ്ങളിലും സ്നേഹത്തിന്റെ ഒരായിരം മിഴിനീർ തുള്ളികൾ ആനന്ദതിമിർപ്പിലാണ്... അവർ ആസ്വദിക്കുകയാണ്...

അവിടുത്തെ ﷺവേദനിപ്പിക്കരുത് അവിടുത്തെﷺ ഉറക്കം അസ്വസ്ഥമാവരുത് അതിനാൽ സൗർ ഗുഹയിലെ പാമ്പിന്റെ കടിയേറ്റ വേദനകൾ അടക്കി പിടിച്ച സിദീഖ് തങ്ങളും മറു വശം ആ ലോക നേതാവിനെ ﷺഒരു നോക്ക് കാണാൻ വേണ്ടി തലയിട്ട് നോക്കിയ പാമ്പും... ഇതിനേക്കാൾ മനോഹരമായ സ്നേഹവിശ്കാരം മറ്റെവിടെയാണുള്ളത്...

സ്നേഹം ചിലപ്പോൾ മൗനമാണ് ചിലപ്പോൾ വാക്കുകളാണ് ചിലപ്പോൾ വേദനയാണ്... എന്നാൽ മറ്റു ചിലപ്പോൾ ഇതിന് ഒന്നിനും കഴിയാത്ത മറ്റെന്തോ ഒരനുഭൂതിയാണ്... അതിന്റെ പേര് എന്താണെന്നോ അത് എന്ത് പ്രതിഭാസമാണെന്നോ എനിക്കറിയില്ല. കാരണം ആ പ്രണയ മധുരം അത്രമേൽ ഞാൻ നുണയാത്തത് കൊണ്ടാവാം...

ചന്തം കൂടിയ ചിന്തയിലാണ്ട് പോവാറുണ്ട് ചില സമയം എന്നാൽ എല്ലാം വെറും ചിന്തയാണെന്നത് ഉണർവ് അറിയിക്കുമ്പോൾ ആ ചിന്തയുടെ ചന്തം ആകെ കെടുത്തി കളയാറുമുണ്ട്...

എന്നാണ് ചന്തം തികഞ്ഞ ചിന്തകൾ യാഥാർഥ്യങ്ങൾക്ക് വഴി മാറുക എന്നതറിയില്ല. എങ്കിലും ഓരോ ചിന്തയും അവിടെത്തേക്ക് ﷺമാറ്റി വെച്ച് ചന്തം കൂട്ടാൻ ഞാൻ ശ്രമിക്കാറുണ്ട്...

ചില നേരം ആ ചിന്തകൾ മറ്റൊരു ലോകം തന്നെ കാണിക്കും... ആ ലോകത്ത് തന്നെ ഈ ലോകം വെടിഞ്ഞിരുന്നു വെങ്കിൽ എന്ന് തോന്നിപോകും... അത്രമേൽ മനോഹരമാണല്ലോ ബഖീഇന്റെ സുഗന്ധം മണ്ണിന്റെ ഗന്ധം... കാണാനുള്ളൊരു ചന്തം അതെന്നെ കൂടുതൽ മോഹിപ്പിക്കുന്നു... ആ മണ്ണിലൊന്ന് അലിഞ്ഞു ചേർന്നു വെങ്കിൽ... ആ... അത് വാക്കുകൾക്ക് അധീതം തന്നെ... സുന്ദരം അതി മനോഹരം...

         

       *✍🏻mihras koduvally*

*الصلاة والسلام عليك يا رسول خذ بيدي قلت حيلتي ادركني يا حبيب الله صلى الله عليه وسلم*

*اللَّهُمَّ صَل عَلَى سَيِّدِنَا مُحَمَّدٍ ۞ الفَاتِحِ لِمَا أُغْلِقَ ۞ وَالخَاتِمِ لِمَا سَبَقَ ۞ نَاصِرِ الحَقِّ بِالحَقِّ ۞ وَالهَادِي إِلَى صِرَاطِكَ المُسْتَقِيمِ ۞ وَعَلَى آلِهِ حَقَّ قَدْرِهِ وَمِقْدَارِهِ العَظِيمِ ۩*

*وَوَفِّقْ لَنَا اللّٰهُمَّ مِنْكَ بِرَحْمَة۔۔۔ لِکَیْمَا نَزُورَ الْمُصْطَفَی نِعْمَ شَاکِرًا۔۔۔* *امین یارب العالمین*

*ദുആ വസിയ്യത്തോടെ*

▪▪▪▪▪▪▪▪▪▪▪

         *ISHQE-MADEENA*

◾◾◾◾◾◾◾◾◾◾◾