മോഹങ്ങളെല്ലാം ബഖീഇന്റെ മണ്ണിനോടാവണം... 🌹

*✿═══════════════✿*

     *ചിറകുകളില്ലാത്ത പക്ഷിയുടെ രോദനം...*  

*✿═══════════════✿*

*ഹൃത്തിൽ സുഗന്ധപൂരിതമായൊരു ഇശ്‌ഖിന്റെ അത്തറു പുരട്ടണം.*

*അകമെരിഞ്ഞു കൊണ്ടിരിക്കുന്ന സ്വപ്നങ്ങളും പ്രതീക്ഷകളും നിലാവിന്റെ ചോട്ടിലിരുന്നു ഞാൻ ഇതളുകൾ  മറിച്ചു നോക്കാറുണ്ട്,*

 *അതിലെല്ലാം തെളിഞ്ഞു കാണുന്ന മദീനയുടെ ചിത്രങ്ങൾ എന്നും എന്റെ മിഴി നനക്കാറുമുണ്ട്.*

*കൃത്തിന്റെ ഹൃത്ത് കറുത്തതിനാലാവാം കിനാവുകൾ പ്രതീക്ഷയറ്റ കനവുകളായ് എന്നുമെന്നിൽ നോവിന്റെ തീ കോരിയിട്ട് അകം പൊള്ളിക്കുന്നത്,* 

*ബുർദയുടെ മാസ്മരികത പോലെ, ഉമർ ഖാളി ബൈത്തിന്റെ നൊമ്പരങ്ങൾ പോലെ ഉറക്കവും എന്നിൽ വിരഹം സമ്മാനിക്കുന്നത്.* 

*എന്നാണ് ആ മദീനയുടെ മടിത്തട്ടിൽ ചുമ്പനമർപ്പിക്കാനുള്ള സുവർണ അവസരം ലഭിക്കുക.*

*ഓരോ നിമിഷവും എന്നിൽ വേദനയാണ്, ഇരുട്ടിനെയും ഏകന്തതയെയും കൂട്ടുകാരാക്കി ഞാൻ കനവുകൾ നെയ്യുകയാണ്  "സ്വപ്നം സത്യമാവുന്ന ബഖീഇന്റെ മണൽ തരികളോട് കിന്നാരം പറഞ്ഞു കിടക്കുന്ന റബ്ബിന്റെ ഔദാര്യം കൊണ്ട് മാത്രം കിട്ടുന്ന വ്യാമോഹം നിറഞ്ഞ അതിമോഹം.*

*സ്നേഹമാണിതെന്ന് ഞാൻ വിശ്വസിക്കുന്നില്ല. ഒരു പക്ഷെ പറക്കാൻ ചിറകുകളില്ലാത്ത പക്ഷിയുടെ രോദനമാവാം.*

 *അതുമല്ലെങ്കിൽ ഇശ്‌ഖിന് ലോകം കാണാൻ കഴിയാത്ത അല്പ സ്നേഹ പ്രകടനകാരിയുടെ ഉള്ളു പിടയുന്ന നഷ്ടങ്ങളാവാം.* 

*എന്ത് തന്നെയായാലും ഇതൊരു വല്ലാത്ത വേദനയുടെ ലോകമാണ് ഇരുട്ടും വെളിച്ചവും പ്രതീക്ഷകൾക്ക് വഴിവെച്ചാലും എവിടെയോ കഷ്ടതകൾ എല്ലാം ഉൾവലിക്കുന്ന പോലെ, എത്ര എത്തീട്ടും എത്താൻ കഴിയാതെ വീണ്ടും വീണ്ടും അടിതെറ്റി വീഴുന്ന നടത്തകാരിയെ പോലെ ഞാൻ തളർന്നു കൊണ്ടിരിക്കുന്നു.*

*വരിഞ്ഞു മുറുക്കിയ ചങ്ങല കൂട്ടങ്ങൾ ശരീരത്തെ വികൃതമാക്കുമ്പോൾ,ഇരുട്ടാൽ മൂടപ്പെട്ട ഹൃത്തിൽ കനൽ കട്ടകൾ തീ അടങ്ങി പുകയായ് ശ്വാസം മുട്ടിക്കുന്നുണ്ട്, എങ്കിലും ഞെരുക്കത്തിനൊടുവിൽ എളുപ്പമുണ്ടാകുമെന്നതാണ് പ്രതീക്ഷയുടെ റാന്തൽ വിളക്കുകൾ പറയുന്നത്.*

*ഉണ്ടായിരിക്കും ലെ, രാവിൻ പകലുണ്ടാവുന്ന സത്യം പോലെ...*

*മോഹങ്ങളുടെ ഭാണ്ഡവും പേറി ഒരിക്കൽ ഞാൻ പ്രതീക്ഷയുടെ ലോകത്തേക്ക് ചേക്കേറും, അന്നെന്റെ സ്വപ്നം പൂവണിയും, അന്നെന്റെ കണ്ണിൽ ഇന്നോളം തെളിയാത്ത ദീപം തെളിയും, അന്നെന്റെ ദേഹവും യഥാർത്ഥ മണ്ണിന്റെ രുചിയറിയും*

*ഏറെയും പ്രതീക്ഷയാണ് നാഥാ, അറിവുകെട്ടവളുടെ അതിമോഹം, അദബും അമലും ഇല്ലാത്ത സൂക്ഷ്മത ഇല്ലാതെ ജീവിച്ചിട്ട്  ഇഷ്ടലോകം കാണാൻ കഴിയാത്ത  വളുടെ അത്യാഗ്രഹം*

*എങ്കിലും നീ കാരുണ്യവാനാണല്ലോ, എല്ലാ മുസീബത്തുകളിൽ നിന്നും രക്ഷ തന്ന്, ഇന്നെന്റെ ജീവിതം അനുഗ്രഹങ്ങൾ കൊണ്ട് സ്നേഹ വലയം സൃഷ്ടിച്ച നിന്റെ ഔദാര്യം. അത് കൊണ്ട് തന്നെ പ്രതീക്ഷയാണ്, കടമകളും കടമ്പകളും  എളുപ്പം നിർവഹിച്ചു സ്നേഹ ലോകത്ത് ഒടുങ്ങാനുള്ള ആവേശം, കാക്കണേ, കനിവരുളണേ... പ്രതീക്ഷയാലെ നീട്ടുന്ന കൈകളെ നോക്കണേ....മോഹമണ്ണിൽ എന്നെ ചേർക്കണേ...*

*ആവത് ആക്ക് الله ﷻ*

*الصلاة والسلام عليك  يا رسول خذ بيدي قلت حيلتي ادركني يا حبيب الله صلى الله عليه وسلم*

*اللَّهُمَّ صَل عَلَى سَيِّدِنَا مُحَمَّدٍ ۞ الفَاتِحِ لِمَا أُغْلِقَ ۞ وَالخَاتِمِ لِمَا سَبَقَ ۞ نَاصِرِ الحَقِّ بِالحَقِّ ۞ وَالهَادِي إِلَى صِرَاطِكَ المُسْتَقِيمِ ۞ وَعَلَى آلِهِ حَقَّ قَدْرِهِ وَمِقْدَارِهِ العَظِيمِ ۩*

*وَوَفِّقْ لَنَا اللّٰهُمَّ مِنْكَ بِرَحْمَة۔۔۔ لِکَیْمَا نَزُورَ الْمُصْطَفَی نِعْمَ شَاکِرًا۔۔۔*   *امین یارب العالمین*

*ദുആ വസിയ്യത്തോടെ*

*✍🏻ISHQE-MADEENA*

*mihraskoduvally123.blogspot.com*

https://www.instagram.com/invites/contact/?i=o7hsgxz71i40&utm_content=8ex74zs

▪▪▪▪▪▪▪▪▪▪▪

◾◾◾◾◾◾◾◾◾◾◾