ഹൃദയം ശുദ്ധിയാവണമെങ്കിൽ ദിവ്യാനുരാഗ തീർത്ഥം തെളിക്കണം... 🍂

*✿═══════════════✿*

        *ഹൃദയ ശുദ്ധി* 🌾

*✿═══════════════✿*

*വര വർണനകളിൽ ഒതുങ്ങുന്ന ഒന്നല്ല ദിവ്യാനുരാഗം, സ്നേഹം പടർന്നു പന്തലിച്ചു മദീനയുടെ മടിത്തട്ടിൽ പാറി രസിക്കുന്നതാണ്...*

*ഖൽബറിയാത്തതിനെ കണ്ണ് കൊതിച്ചിട്ടെന്തു കാര്യം?, അകം പൊള്ളയെന്നാൽ വരികളിൽ മാസ്മരികത തീർത്തിട്ടെന്ത് പ്രയോജനം?*

*സ്നേഹമാണെന്ന്  അല്പവാക്കിൽ മൊഴിഞ്ഞിട്ടെന്തു ഗുണം? സത്യമല്ലാത്തതിനെ കൈകൾ പുണർന്നു സത്യമായ് ഭാവിച്ചാൽ അത് തന്നെ നേട്ടം.*

*ഖൽബറിയുന്നില്ലെങ്കിലും കണ്ണ് കൊതിക്കുന്നുണ്ട്, അകക്കോണിലെവിടെയോ, ഓരോ രാത്രിയുടെ യാമങ്ങളിലും നിലാവിനെ നോക്കി ഞാനെന്റെ ദുഃഖം പറയാറുമുണ്ട്*

*യാ സയ്യിദീ ﷺഎന്നാണ് എന്റെ സ്വപ്നം പൂവണിയുക, എന്നാണ് എന്റെ കനവുകൾക്ക് നിറം പകരുക,*? 

*നിഷിദ്ധമായതിനെയും അനുവദനീയ മായതിനെയും ഖൽബറിയുന്നുണ്ട്, എങ്കിലും സ്നേഹം ഉള്ളറിയുന്നില്ലെന്ന വേദന ഉള്ളുലക്കുന്നു മുണ്ട്.*

*നുഅ'മാനുബ്നു ബശീർ(റ)ൽ നിന്നു നിവേദനം :നബി ﷺപറഞ്ഞു, അനുവദനീയമായ കാര്യം വ്യക്തമാണ്. അനുവദനീയത്തിന്റെയും നിഷിദ്ധതയുടെയുമിടയിൽ തിരിച്ചറിയാൻ സാധിക്കാത്ത അവ്യക്തതയുള്ള കാര്യങ്ങളുണ്ട്. ജനങ്ങളിലധികവും അവയുടെ നിലയറിയുന്നില്ല. അതിനാൽ അവ്യക്തമായ കാര്യങ്ങളെ വല്ലവനും സൂക്ഷ്മതയോടെ സമീപിച്ചാൽ അവൻ തന്റെ മതത്തെയും അഭിമാനത്തെയും കളങ്കപ്പെടുത്തുന്നതിൽ നിന്നും മുക്തമാക്കിയവനായി. അവ്യക്തങ്ങളിലൊരാളാകപ്പെട്ടാൽ അവൻ നിഷിദ്ധങ്ങളിലകപ്പെടും. അവർ സംരക്ഷിത വലയത്തിന് ചുറ്റും കാലികളെ മേയ്ക്കുന്നവനെ പോലെയാണ്. കാലികൾ അതിൽ മേയാനും സാധ്യതയുണ്ട്. അറിയുക, എല്ലാ രാജാവിനും അവരുടേതായ സംരക്ഷിത വലയമുണ്ട്. അല്ലാഹുവിന്റെ സംരക്ഷിത മേച്ചിൽ സ്ഥലം അല്ലാഹു നിഷിദ്ധമാക്കിയ കാര്യങ്ങളാണ്. അറിയുക, നിശ്ചയം, ശരീരത്തിലെ ഒരു മാംസപിണ്ഡമുണ്ട് അതുനന്നായാൽ ശരീരം മുഴുവനും നന്നായി. അതു ദുഷിച്ചാൽ ശരീരമൊന്നടങ്കം ദുഷിച്ചു. അറിയുക, അത് ഹൃദയമാണ്. (ബുഖാരി, മുസ്‌ലിം)*

*ഉഹ്ദ് മലയോളം സ്നേഹം ഖൽബിൽ കൂട്ടണം, ഹൃദയം ശുദ്ധീകരിക്കാൻ ദിവ്യാനുരാഗ തീർത്ഥം കോരി ഒഴിച്ച് സ്നേഹ സമ്പന്നമാക്കണം*

*അനസ് (റ)ൽ നിന്നു നിവേദനം :നബി ﷺക്കു മുൻപിൽ (യാത്രയിൽ)ഉഹ്ദ് പർവ്വതം പ്രത്യക്ഷപ്പെട്ടു. തദവസരം നബി ﷺപറഞ്ഞു. ഇതു നമ്മെ സ്നേഹിക്കുന്ന പർവ്വതമാണ്. നാം അതിനെയും സ്നേഹിക്കുന്നു. അല്ലാഹുവേ നിശ്ചയം, ഇബ്രാഹിം നബി (അ)മക്കയെ പവിത്രമാക്കി. മദീനയുടെ രണ്ടു ചരൽപ്രദേശങ്ങൾക്കിടയിലുള്ളതിനെ ഞാനും പവിത്രമാക്കുന്നു. (ബുഖാരി, മുസ്‌ലിം)*

*ലോകാനുഗ്രഹിയെ ﷺസ്നേഹിക്കുന്ന ഹൃദയം ഞങ്ങൾക്ക് തരണേ നാഥാ, ആ കൈകളിൽ അഭയവും നൽകിടണേ...*

*പാപം ശിരസിൽ വെന്ത നോവുന്നാലും നിന്റെ ഔദാര്യത്തിൽ വിജയം നൽകിടെണേ...*

*ആവത് ആക്ക് الله ﷻ*

*الصلاة والسلام عليك  يا رسول خذ بيدي قلت حيلتي ادركني يا حبيب الله صلى الله عليه وسلم*

*اللَّهُمَّ صَل عَلَى سَيِّدِنَا مُحَمَّدٍ ۞ الفَاتِحِ لِمَا أُغْلِقَ ۞ وَالخَاتِمِ لِمَا سَبَقَ ۞ نَاصِرِ الحَقِّ بِالحَقِّ ۞ وَالهَادِي إِلَى صِرَاطِكَ المُسْتَقِيمِ ۞ وَعَلَى آلِهِ حَقَّ قَدْرِهِ وَمِقْدَارِهِ العَظِيمِ ۩*

*وَوَفِّقْ لَنَا اللّٰهُمَّ مِنْكَ بِرَحْمَة۔۔۔ لِکَیْمَا نَزُورَ الْمُصْطَفَی نِعْمَ شَاکِرًا۔۔۔*   *امین یارب العالمین*

*ദുആ വസിയ്യത്തോടെ*

*✍🏻ISHQE-MADEENA*

*mihraskoduvally123.blogspot.com*

https://www.instagram.com/invites/contact/?i=o7hsgxz71i40&utm_content=8ex74zs

▪▪▪▪▪▪▪▪▪▪▪

◾◾◾◾◾◾◾◾◾◾◾