ഇശ്‌ഖിന്റെ നേട്ടം കൊണ്ട് ഇഷലിന്റെ ലോകം പണിയണം... 🌼

*✿═══════════════✿*

*ഇശ്ഖിൻ തുരുത്തുകൾ കൊണ്ട് ഇശലിൻ മാല കോർക്കണം*

*✿═══════════════✿*

      ഇശ്‌ഖിന് തുരുത്തുകൾ കൊണ്ട് ഖൽബിൽ ഇശലിൻ ബഹർ തീർക്കണം.

നിലാവത്ത് പെയ്തിറങ്ങുന്ന കിനാവിന്റെ വാതിലുകൾ മദീന മുനവ്വറയിലേക്ക് പറഞ്ഞയക്കണം.

അവിടത്തെ ഓരോ തൂണും ചുറ്റി ചുവരുകളിൽ ചുംബിച്ച് ആ ദിവ്യനുരാഗ ലോകം കൺചിമ്മാതെ കൺകുളിർക്കേ കാണണം.

ആ വസന്ത ഭൂമികയിൽ ചുറ്റിപ്പറ്റി നടന്ന്. രാവും പകലും അനുരാഗ ഗീതികൾ തീർക്കണം.

          *"സ്നേഹത്തിന്റെ ഭൂമികയോ പാരിൽ*

          *സത്യത്തിന്റെ ഉൾവിളിയോ സമാധാനം കണ്ണിൽ തെളിയിച്ച*

            *ദിവ്യനുരാക ഭൂമികയോ?*    

                 *മദീന"*

ഭ്രാന്തിയാണെന്ന് സ്വയം വിശേഷിപ്പിച്ചാൽ പോരാ.....

ഒരു ഭ്രാന്തിയായി ഉടലെടുക്കണം. രാവും പകലും കനവും നിനവും ആ മദീനയുടെ മുക്കിലും മൂലയിലും അനുരാഗ ഗീതം തീർത്ത് പാടി നടക്കണം.

സ്വന്തത്തെയോ ബന്ധത്തെയോ തിരിച്ചറിയാനാവാതെ....

സ്വന്തമാണെന്ന് ഏത് തളർച്ചയിലും താങ്ങായ ഉപ്പാപ്പന്റെ ﷺചാരെ മാത്രം തിരിച്ചറിവുണ്ടാവണം.

ആ പ്രണയത്തിൽ മാത്രം മതി മറന്ന് സ്വബോധം നഷ്ടപ്പെട്ട ഭ്രാന്തിയായ് ആ തെരുവിലലിഞ്ഞു നടക്കണം.

ആ മണ്ണ് സ്വന്തമാക്കിയ സ്നേഹ ജന്മങ്ങളെ പോയി കാണണം.

എന്നെയും കൂടെ ചേർക്കാൻ ലോകത്തിന്റെ നേതാവിനോട് ﷺ പറയാൻ പറയണം.

  അവരോട് കിന്നാരം പറഞ് സ്വലാത്തിന്റെ ലോകത്തിൽ അലിഞ്ഞു ബോധം മറഞ്ഞവരിലേക്ക് ഞാനും വീഴണം.

  അവസാന ശ്വാസവും സ്വലാത്തിന്റെ മന്ത്രണങ്ങൾ എന്റെ അധരങ്ങൾ താലോലിക്കണം.

ഇനി ഒരുണർച്ച ഇല്ലാതെ ആ മണ്ണിലേക്ക് ഞാനും അലിഞ്ഞു ചേരണം.

     ലോക നേതാവിനെﷺ സ്നേഹിച്ച മണ്ണിൽ...

       ലോക നേതാവ് ﷺ സ്നേഹിച്ച മണ്ണിൽ ഈ ദേഹം ചുംബിച്ചു കിടക്കണം.

  അവിടെ നിന്നും അറ്റമില്ലാത്ത മദ്ഹിന് അലകൾ തീർത്ത് ഉപ്പാപ്പയോട്ﷺ  ഒരായിരം സലാം പറയണം.

        സ്നേഹങ്ങൾ അവസാനിക്കാത്ത മണ്ണിൽ അടിയുറച്ചു ഇശ്‌ഖിന് തിരുത്തുകൾ ഖൽബിൽ പിണയണം.

     എന്റെ ഖൽബിന്റെയുള്ളിലും ഒത്തിരി വെട്ടം തെളിയിച്ച് സ്വലാത്തിന്റെ മന്ത്രധ്വനികളിൽ ആഘോഷമാക്കിയവിടെ കഴിഞ്ഞ് കൂടണം.

       ഇതാവണം അല്ലങ്കിൽ ഇതിനും എത്രയോ മുകളിൽ ഖൽബ് മോഹങ്ങളിലേക്ക് ആവാഹിച്ചവരാവാം ഇന്നാ ദിവ്യനുരാഗം നുണഞ്ഞവരെല്ലാം. ഖൽബിലില്ലാത്ത ഒന്നിനെ വരികളിൽ നിറച്ചതേറ്റം അദബുകെടാണെന്ന് അറിയാം തിങ്കളെ ﷺ എങ്കിലും ഈ പേരക്കിടാവിനോട് പൊറുക്കണേ...

      പറയാനറിയാത്തവിധം ഇഷ്ടമാണങ്ങയെﷺ പക്ഷെ..! അങ്ങയെﷺ സ്നേഹിക്കാൻ മാത്രമായി

ആധാരമാക്കാൻ ഇന്നെന്റെ കൈകളിൽ ഒന്നും ഇല്ലതാനും  എണ്ണം പറയാൻ മാത്രം സ്വലാത്ത് പോലും അങ്ങേക്ക്ﷺ സമർപ്പിക്കാൻ ഇല്ലാത്ത പാപിയാണ്..

   എങ്കിലും അങ്ങയുടെ ദർബാറിലേക്ക് കൈ നീട്ടി മാത്രം സന്തോഷങ്ങൾ നേടിയ പാപിയാണെ, പകരം ഒന്നും നൽകാനില്ലാത്ത പേര കൂടിയാണ് ഞാൻ.

   എങ്കിലും സർവ്വം തണലായോരെ ﷺഎന്റെ അന്ത്യം അങ്ങയുടെ കാൽ ചുവട്ടിൽ ആക്കി തരണേ.....

     അങ്ങയെﷺ  ഏറ്റം സ്നേഹിച്ച മണ്ണിൽ ആക്കി തരണേ.....

  നാഥാ... വ്യാമോഹമാണെന്നറിയാം അതിരുകടന്നു പോയെന്നുമറിയാം

 തെറ്റുകളിൽ മുഴുകി ജീവിക്കുമ്പോഴും സർവ്വം കാരുണ്ണ്യമായ് അടിമയെ സംരക്ഷിച്ച യജമാനനെ.... ഉടയവനെ... നിന്റെ ഔദാര്യം എന്നിൽ ബഖീഇന്റെ മണ്ണിൽ ചൊരിക്കണേ.....

       *ആവതാക്ക് الله ﷻ*

   

*الصلاة والسلام عليك  يا رسول خذ بيدي قلت حيلتي ادركني يا حبيب الله صلى الله عليه وسلم*

*اللَّهُمَّ صَل عَلَى سَيِّدِنَا مُحَمَّدٍ ۞ الفَاتِحِ لِمَا أُغْلِقَ ۞ وَالخَاتِمِ لِمَا سَبَقَ ۞ نَاصِرِ الحَقِّ بِالحَقِّ ۞ وَالهَادِي إِلَى صِرَاطِكَ المُسْتَقِيمِ ۞ وَعَلَى آلِهِ حَقَّ قَدْرِهِ وَمِقْدَارِهِ العَظِيمِ ۩*

*وَوَفِّقْ لَنَا اللّٰهُمَّ مِنْكَ بِرَحْمَة۔۔۔ لِکَیْمَا نَزُورَ الْمُصْطَفَی نِعْمَ شَاکِرًا۔۔۔*   *امین یارب العالمین*

*ദുആ വസിയ്യത്തോടെ*

*✍🏻ISHQE-MADEENA*

*mihraskoduvally123.blogspot.com*

https://www.instagram.com/invites/contact/?i=o7hsgxz71i40&utm_content=8ex74zs

▪▪▪▪▪▪▪▪▪▪▪

◾◾◾◾◾◾◾◾◾◾◾